Një ngjarje e rëndë mësohet të ketë ndodhur ditën e sotme në spitalin Nënë Tereza, ku ka ndërruar jetë shtetasi italian Cristiano Trapani, i cili ishte paraburgosur në IEVP Shkodër.
Shkak i ngjarjes së rëndë dyshohet të jetë bërë një arrest kardiak.
“Pacienti ishte shtruar më datë 28.10.2024 në Qendrën Spitalore të Burgjeve (QSB) me diagnozën: Limfadenopati për determinim. Gjatë qëndrimit në QSB, ai iu nënshtrua të gjitha ekzaminimeve laboratorike dhe imazherike të nevojshme. Pas konsultimeve me ekipin mjekësor, iu rekomandua ndërhyrje kirurgjikale për marrjen e biopsisë, e cila ishte planifikuar të kryhej në Spitalin Onkologjik”, njofton autoriteti i burgjeve.