Kryetari i Bashkisë së Vlorës, Ermal Dredha, ka dhënë dorëheqjen mbrëmjen e sotme, vetëm një ditë para mbajtjes së Asamblesë Kombëtare të Partisë Socialiste. Arsyeja e largimit të tij nga posti mbetet ende e paqartë.
Dredha ka qenë objekt i kritika të vazhdueshme nga Kryeministri Edi Rama, si gjatë mbledhjeve private pa praninë e mediave, ashtu edhe në deklaratat publike. Ai është kritikuar gjithashtu për menaxhimin e mbetjeve dhe për mungesën e performancës nga ana e drejtorëve të bashkisë së Vlorës.
Ermal Dredha ka qenë në krye të Bashkisë së Vlorës që nga prilli i vitit 2023, duke u bërë pjesë e skenës politike lokale në një periudhë sfiduese për administratën e qytetit.