Detaje të reja kanë dalë në pah nga atentati i ndodhur së fundmi në Lundër.
Burimet bëjnë me dije se plumbat kanë goditur dhe një tjetër makinë e cila ka qenë prezente në momentin e ngjarjes.
Fatmirësisht thuhet se i riu që drejtonte makinën tip “Ford” ka shpëtuar pa lëndime.
Ndërsa një plumb ka prekur kolonën e derës së automjetit të tij.
Pas ngjarjes i riu është larguar me shpejtësi nga frika dhe është futur në parkimin e një qendre tregtare ku më pas ka njoftuar policinë për atë çfarë kishte ndodhur.
Atij i është marrë dëshmia, por pavarësisht se ka qenë dëshmitar okular, ai nuk ka mundur të shohë apo identifikojë autorët e e ngjarjes.
I riu ka deklaruar se gjithçka ka ndodhur shumë shpejt dhe ka ikur me nxitim nga frika e asaj që ndodhi.
Kujtojmë se për shkak të ngatërresës së objektivit nga atentatorët u hap zjarr ndaj një G-Classi, ku për rrjedhojë mbeten të plagosur gabimisht 4 persona.
Ndërkohë që nga hetimet e bëra dhe deklaratat e zbardhura në dyert e policisë, dyhsohet se atentati u organizua për gruan e Roan Brahimit, i njohur ndryshe si Sidi, i cili u vra në Vigjilje të Pashkëve të vitit të shkuar./ Radar.al