Drejtoria Rajonale e Akreditimit dhe Kontrollit Ushqimor (DRAKU) Shkodër ndërhyri me një inspektim jashtë planit ndaj një subjekti pas shqetësimeve të raportuara nga mediat më 16 gusht 2025, lidhur me një produkt orizi të shpërndarë në tregun lokal.
Inspektimi përfshiu kontroll të linjës së paketimit, dokumentacionit të prodhimit dhe kushteve higjienike të ambientit. Bazuar në gjetjet e inspektimit, u morën masat:
Gjoba administrative 500,000 lekë për shkelje të procedurave të sigurisë ushqimore
Paralajmërim zyrtar për shkelje higjienike
Bllokim i menjëhershëm i linjës së paketimit
Bllokim i 52.05 ton produkt orizi deri në përfundimin e analizave laboratorike
DRAKU Shkodër falenderon qytetarët dhe median për rolin aktiv në denoncime dhe fton konsumatorët të raportojnë çdo rast të dyshuar që mund të cënojë sigurinë ushqimore. Veprimet e ndërmarra tregojnë angazhimin e vazhdueshëm për mbrojtjen e shëndetit publik dhe ruajtjen e standardeve të larta në tregun ushqimor.