Manchester United po konsideron rikthimin e portierit spanjoll David De Gea, pas performancës së tij të fundit në një ndeshje miqësore parasezonale ndaj Fiorentinës, e cila përfundoi 1-1 në “Old Trafford”, raporton The Sun.
Sipas raportit, De Gea ka një klauzolë në kontratë që i mundëson largimin për një shumë relativisht të ulët, dhe klubit i janë nisur “telefonata diskrete” për të mundësuar rikthimin e tij.
De Gea, që u largua nga United në vitin 2023 pas 12 vitesh dhe 545 paraqitjesh, luajti sezonin e kaluar për Fiorentinën, ku regjistroi 42 paraqitje dhe riktheu formën e tij të njohur.
Një rikthim i mundshëm do të ngjallte reagime të shumta, ndërkohë që De Gea, i gatshëm për sezonin e tij të dytë në Serie A, mund ta konsideronte me dëshirë mundësinë për të rikthyer epokën e tij të lavdishme te “Djajtë e Kuq”.