DURRËS– Erkid Kazazi, është 30-vjeçari, i cili dyshohet si autori i plagosjes së 36-vjeçarit, Arbër Goreja mbrëmjen e kaluar në qytetin e Durrësit.
Është identifikuar dhe shpallur në kërkim Erkid Kazazi 30 vjeç, si autori i dyshuar i ngjarjes. Mësohet gjithashtu se Kazazi është një emër i njohur për policinë.
Plagosja e Gorejas u regjistrua mbrëmjen e djeshme në zonën mes Shënavlashit dhe Fllakës. Goreja ka bërë me dije se është ndjekur nga një makinë tip “Ford” e cila më pas ka ndaluar paralelisht me mjetin e tij dhe ka hapur zjarr. Sipas tij ndaj tij është qëlluar 3 herë dhe ka marrë plagë në brinjë. Pas ngjarjes, ai ka arritur të shkojë vetë deri te Komisariati i Policisë, ku ka kërkuar ndihmë për të shkuar në spital.