Dy vatra zjarri janë regjistruar gjatë orëve të fundit në qarkun e Beratit, duke shkaktuar dëme në sipërfaqe të mbuluara me pisha dhe duke rrezikuar zona të banuara.
Një nga vatrat u përhap në një zonë pyjore, ku flakët shkrumbuan një sipërfaqe të konsiderueshme me pisha. Ndërhyrja e shpejtë e shërbimit zjarrfikës bëri të mundur vënien nën kontroll të këtij zjarri.
Ndërkohë, vatra tjetër u shfaq në fshatin Virjon. Sipas të dhënave paraprake, zjarri dyshohet të jetë shkaktuar nga një defekt në linjën elektrike. Flakët rrezikuan tre banesa dhe parcela me pemë frutore, por ndërhyrja e zjarrfikësve me dy automjete dhe gjashtë efektivë shmangu përkeqësimin e situatës, duke e vënë nën kontroll përhapjen e mëtejshme të zjarrit.