Dita-ditës moti përkeqësohet dhe temperaturat sa vijnë e ulen më shumë. Secili nga ne mezi pret momentin që të mbërrijë në shtëpi e të shijojë ca momenti realksi e ngrohtësie me familjarët.
Por fati nuk ishte i mirë për familjen e Arjan Shkallës nga fshati Xibrakë i Elbasanit.
Burrë e grua të sëmurë dhe vajzat e tyre 7 dhe 5 vjeçe jetojnë një dhomë të shkatërruar ku era, shiu e i ftohti janë gjithë kohës prezente.
Një dhomë ku ata fusin kokën çdo natë për të fjetur, mungojnë dhe kushtet bazike jetësore.
Ermela e vogël ndonëse është në hapat e saja të para të jetës nuk ka shumë ëndrra të paarritshme. Ajo kërkon thjesht një tavolinë ku të bëjë detyrat.
Teknologjia dhe çdo gjë po avancojnë me kalimin e kohës e ndërsa këta fëmijë akoma nuk njohin as lodra dhe as televizor.
Prindërit me problem mendore Zoti i bekoi me dy vajza të shëndetshme të cilat kanë nevojë të shkollohen e të kenë kushtet minimale të jetesës.
Ermelës i duhet të ecë në këmbë për gati një orë për të shkuar në shkollë.
Të izoluar në një zonë të largët, ata kërkojnë vetëm një shpresë që të vazhdojnë më tutje në këtë jetë të mjerë.