Pas një aksioni policor të zhvilluar për kapjen e të shumëkërkuarit Xhevdet Troplini, dy vëllezërit Voltan dhe Jurgert Xhani kanë rënë në pranga.
Burimet bëjnë me dije se Voltan Xhani, nga Përmeti mbetet autori kryesor për organizimin dhe vrasjen e Elis Rroshkodolit. Ngjarje e ndodhur në gusht të 2024.
Ndërsa vëllai i tij akuzohet për veprat penale: “prodhimi dhe mbajtja pa leje e armëve luftarake dhe e municionit”, “Moskallëzimi i krimit” dhe “Përkrahja e autorit të krimit”.
Në lidhje me vrasjen e Rroshkodolit në Shkodër, Voltan Xhani ishte shpallur në kërkim, ndërsa nipi i tij Xhulio Malo u arrestua për sigurim të kushteve për të kryer vrasje dhe pengim të zbardhjes të së vërtetës.
Xhani dhe Rroshkodoli janë njohur së bashku në shtetin e Belgjikës ku dhe jetuan për vite me radhë. Në të njëjtin vend ata kanë patur edhe përplasjet e tyre për pazare droge.
Kujtojmë se Elis Rroshkodol u ekzekutua teksa konsumonte një kafe në një lokal.