Ylber Ramadani foli dje pas humbjes së Leçes ndaj Lacios. Këto të fundit ia dolën të fitonin me rezultatin 2-0, ndërsa nga minuta e parë luajtën Ylber Ramadani dhe Medon Berisha.
Episodi më i komentuar ishte në minutën e pestë, kur Leçe gjeti rrjetën. Gjyqtari ndërhyri menjëherë duke anuluar golin, pasi e konsideroi faull në sulm ndaj Isaksen që është pjesë e Lacios. Ramadani nuk ishte dakord me këtë vendim, ndërsa komentoi edhe faktin pse qëndronte i tërhequr.
“Kemi gabuar në pjesën e parë, shumë pasime gabim dhe kjo e bëri Lazion të rrezikshëm. Për episodin e golit mendoja se kisha bërë faull unë ndaj Basiç, por pastaj e pashë dhe nuk më duket faull. Sotil godet Isaksen në gjoks, jo në fytyrë. Një gol i anuluar kështu për ne do të thotë shumë.
E kishim përgatitur ndeshjen për t’i mbyllur hapësirat në qendër të fushës. Deri te goli bëmë mirë, por nuk arritëm të ndërtonim pasime të mira për shokët e skuadrës. Tani duhet të mendojmë për Torinon.
Dua të shënoj gjithmonë, por kur trajneri më kërkon të qëndroj më prapa për të pasur më shumë ekuilibër, mbaj atë pozicion. Te goli i dytë ishim të gjithë në sulm dhe pastaj në një kundërsulm pësojmë 2-0. Trajneri më kërkonte të jepja më shumë ekuilibër”, u shpreh Ramadani./PanoramaSport