TIRANË-Mbrëmjen e djeshme në emisionin “Top Story” analisti Ilir Demalia ka rrëfyer si është përgjuar gjatë komunizmit.
Analisti është shprehur se është tronditur kur ka lexuar dosjen, teksa deklaroi se me akuzat që i kishte caktuar ish-Sigurimi i Shtetit, rrezikonte pushkatim.
“Ajo që ka ndryshuar është se jam i tronditur nga ajo që pashë. Aty ka akuza që nuk janë të vërteta. Nga ato, mund të shkoja në pushkatim”.
Ndër të tjera ai zbuloi një nga dokumentet, që i përket vitit 1988.
“Ky është procesi i mbledhjes me Zylyftar Ramizin, që është mbledhur Drejtoria e Zbulimit, jepet porosi që të grumbullohet materia dhe Brenda një muaj të bëhet arresti. Ndjekjet e mia kanë qenë deri në prill në ‘91, kur unë kisha ikur me ambasadat në Gjermani”.
Pasi ka sjellë në studio dokumentet, shihet se aty Demalia cilësohet “levë lëvizëse e agjenturave të huaja”.
Ai tregon se deri në 1991 janë përgjuar telefonatat e tij me familjarët, ndërsa pohon se e di kush janë ata që e kanë spiunuar.
“Kam zbuluar që nga Kinostudio ku punoja, jepnin raporte të rregullta sekretari i partisë, shefja e kuadrit dhe disa njerëz të tjerë. Të paktën nuk u zhgënjeva, nuk gjeta aty familjarë e miq”./Radar.al
“Është këllirë që del në media”, Demalia shpërthen në akuza: Frrok Çupi ose “Llulla” është sigurims