Ish-deputeti i Partisë Demokratike, Dashnor Sula, ka reaguar pas përplasjes publike mes Adriatik Lapajt dhe Endri Shabanit, ku çështja e mandatit të deputetit ka ndezur polemika politike. Sula e cilëson situatën si pasojë të një strategjie të gabuar të ndjekur nga Lapaj, për të cilën thotë se e kishte paralajmëruar më herët.
“Nëse do t’i isha bashkuar koalicionit ‘Nisma Shqipëria Bëhet’, sot ndoshta do të isha në të njëjtin pozicion si Lapaj – jashtë Kuvendit. Më kërkuan të besoja se kandidatët do të jepnin dorëheqjen, por unë nuk pranova”, shkruan Sula, duke ironizuar se Lapaj tani po bie në ‘gropën’ që vetë përgatiti për të tjerët.
Sipas Sulës, kjo tregon se edhe partitë e reja nuk ndryshojnë nga të vjetrat, duke ndjekur të njëjtat mentalitete përfitimi dhe llogari politike.