TIRANË-Këngëtarja e njohur Big Mama ka marrë pjesë në “FERMA VIP2” ndërsa kanë kaluar vetëm dy ditë nga nisja e kësaj eksperience të re për të, artistja ka ndarë një histori të dhimbshme.
Gjatë një bisede me Ylli Dreshajn, konkurentja tha se mendonte që mund të humbte të atin në mendje i shkonte vetëvrasja por kur e gjitha ndodhi gjeti forcën ta përballojë dhe gjithashtu t’i bëj shërbimet e fundit të ndjerit.
“Unë kam qenë e lidhur edhe me gjyshin edhe me babin. Nuk e mendoja që mund të vdiste babai im, thoja të më vdesi mua babai, unë nuk jetoj dot, unë patjetër do të bëj vetëvrasje. Ama njeriu mësohet dhe ai ka vdekur në duart e mia dhe kam ditur të kordinoj dhe ta organizoj situatën. Zoti të jep forcë dhe nuk të jep asnjë te keqe kot, e di që e përballon dhe ta dërgon.”- është shprehur Big Mama.
Më tej ajo ka shtuar se koha t’a shëron dhimbjen megjithëse atë që humb do e kujtosh dhe nuk do e harrosh kurrë. “Plas ti, çmendu por ke për të jetuar. Ke për të kujtuar dhe asnjëherë s’do harrosh. Sa më shumë vitet të kalojnë aq më shumë ke për të kujtuar.”/Radar.al