Një zjarr ka përfshirë mëngjesin e sotëm zonën pranë magazinave të Bashkisë Lezhë, përgjatë aksit Lezhë-Milot, në afërsi të kryqëzimit të Rriles. Flakët kanë përfshirë një hapësirë të konsiderueshme me mbetje inerte dhe materiale të tjera ndërtimi.
Forcat zjarrfikëse ndodhen në terren dhe po punojnë për izolimin dhe shuarjen e flakëve. Ndërkohë, tymi është përhapur në drejtim të zonave të banuara si dhe në rrugën nacionale duke shkaktuar shqetësim për banorët dhe rrezik për qarkullimin e automjeteve.
Nuk është hera e parë që ky landfill që administrohet nga bashkia, përfshihet nga flakët, çka ka rritur shqetësimet e komunitetit lokal. Dyshimet e para ngrenë pikëpyetje mbi mundësinë e zjarrvënies së qëllimshme, megjithatë hetimet mbi shkaqet e zjarrit janë ende në vazhdim.