Ndonëse kanë kaluar 5 vite nga zhdukja dhe rrëmbimi i Jan Prengës, kjo ngjarja vijon të mbetet misterioze.
Burimet bëjnë me dije se gjatë procesit të sotëm gjyqësor të zhvilluar ndaj Dritan Rexhepit, Gentian Doci Funiqit dhe të pandehurvë të tjerë të përfshirë në këtë ngjarje, ka dhënë dëshminë tij Festim Bexhdili, kopshtar i resortit.
Në dëshminë e tij ai zbulon se e ka parë personin e vdekur. Ndërsa shton më tej se në këtë ngjarje morën pjesë 4 persona të armatosur, jo të maskuar. Kopshtari zbuloi detaje nga ngjarja e bujshme por dëshmia e tij sërish nuk hedh dritë mbi zhdukjen e Prengës!
“Isha duke pastruar pishinën, kur erdhi një Range Rover i bardhë dhe u fut tek garazhi. Shkova t’i pyesja. Ishin 4 veta të armatosur. Nuk i njihja. Më kërkuan ujë dhe ju dërgova. Isha i frikësuar. Më thanë “ka vdekur njëri”. Më thanë ta kalojmë nga makina në makinë. Isha shumë i trembur, nga armët e tyre edhe se pashë një të vdekur. E kaluam nga Ranger në një Fiat Doblo, që e përdornim për furnizimet në kompleks. E zhvendosëm trupin. Fytyrat i kishin zbuluar, por nuk i kujtoj. Njëri kishte tatuazhe. Pastaj më kërkuan edhe një kazmë e një lopatë. Nga gjuha m;u dukën si nga veriu. Aty erdhi pastaj Altin Hajri. Ai i shau dhe ju tha “ç’doni këtu, po na merrni në qafë”. Ju kërkoi të ikin shpejt. Nuk e di ç’bëri Altini pastaj. Nuk e di për çfarë i deshën kazmën e lopatën. Jua dhashë dhe ata i futën ne makinë. Pasi ata ikën unë shkova në shtëpi në Kavajë”, dëshmoi Bexhdili.