Detaje të reja kanë dalë në pah nga aksidenti i rëndë rrugor i ndodhur në orët e para të mëngjesit pranë qytetit Koblenz, në Gjermani, ku humbën jetën tre shtetas shqiptarë e disa të tjerë mbetën të plagosur.
Buriemt bëjnë me dije se viktimat janë një burrë 53-vjeç dhe dy gra të moshës 47 dhe 65 vjeç.
Shqiptarët në fjalë, së bashku me gjashtë persona të tjerë të moshës nga 20 deri në 66 vjeç, po ktheheshin nga një festë familjare në landin e Hessenit.
Por papritmas tragjeida ndodhui pasi miibusi me 9 pasagjerë doli nga rruga në të djathtë dhe më pas u përmbys.
Autoritetet gjermane bëjën me dije se asnjë automjet tjetër nuk ishte i përfshirë në aksidentin fillestar, por një makinë tjetër kaloi mbi ‘rrënoja’ pak pas ngjarjes.
Shkaqet e aksidentit deri më tani janë të paqarta ndërsa autoritetet janë duke vijuar hetimet për të sqaruar plotësisht rrethanat.
Gjithashtu, ende nuk janë konfirmuar plotësisht identitetet e disa prej personave që ndodheshin në automjet, ku mësohet se përveç shqiptarëve, kishte edhe shtetas të tjerë të huaj.
Lajmi tragjik u konfirmua para pak çastesh nga Ministria për Evropën dhe Punët e Jashtme.