Detaje të reja kanë dalë në pah në lidhje me vrasjen e shqiptarit në Itali, Vladimir Topjanës.
Nga hetimet e bëra konkludon se autorët e akuzuar për ngjarjen në fjalë janë babë e bir.
Mediat e huaja raportojnë se bëhet fjalë për Roger Shota, autori i cili qëlloi me armë zjarri Vladimir Topjanën, shofer i kompanisë Porcia dhe banues në Cordenons, dhe u largua nga vendngjarja me ‘Audi-n’.
Kujtojmë se Vladimir Topjana, kishte dalë për të parë ndeshjen Roma-Juventus në një lokal, së bashku me djalin e tij 17-vjeçar.
Autori i dyshuar, Rogert Shota, mbërriti pranë lokalit me një “Audi” dhe në debat e sipër me Topjanën, e ka qëlluar me armë zjarri.
Më tej thuhet se Shota ka nxjerrë armën dheqëlloi tre herë në drejtim të bashkatdhetarit të tij, duke e lënë të vdekur në vend, pasi një plumb e ka prekur në kokë.
