Një aksident rrugor ka ndodhur mbrëmjen e sotme, rreth orës 20:35, në aksin kombëtar Elbasan–Librazhd, në vendin e quajtur Labinot Fushë. Sipas informacioneve paraprake, drejtuesi i automjetit ka humbur kontrollin e makinës, e cila është përmbysur.
Si pasojë e aksidentit, dy persona, një nënë dhe djali i saj, janë plagosur dhe ndodheshin në mjet në momentin e ngjarjes. Të lënduarit janë transportuar menjëherë në Spitalin Rajonal të Elbasanit për ndihmë mjekësore.
Burimet nga spitali kanë bërë me dije se, fatmirësisht, gjendja e tyre shëndetësore është e stabilizuar dhe ata nuk ndodhen në rrezik për jetën.
Autoritetet përkatëse po punojnë për të zbardhur plotësisht shkaqet e aksidentit dhe rrethanat e ngjarjes.