Mediat italiane bëjnë me dije se në fillim të javës së ardhshme pritet që në Shëngjin dhe Gjadër të Lezhës të mbërrijnë 100 emigrantët e parë nga Italia.
Mësohet se qeveria italiane dhe KE-ja i ka dhënë dritën jeshile transferimit të emigrantëve nga Qendrat Italiane të Paraburgimit dhe Riatdhesimit drejt ambienteve në Shqipëri.
Nisma mbetet pjesë e marrëveshjes dypalëshe mes Romës dhe Tiranës për njohjen ekstraterritoriale dhe është pjesë e strategjisë së qeverisë Meloni për të zgjidhur emigracionin e paligjshëm.