TIRANË– Kreu i KQZ-së, Ilirjan Celibashi ka deklaruar se Komisioni Qëndror i Zgjedhjeve ka pasur disa kërkesa ndaj kompanisë DHL, të cilat duhet që të plotësohen.
Në fjalën e tij Celibashi deklaroi se kanë kërkuar një përfaqësues nga ana e tyre që të komunikojë me KQZ-në për të përfunduar shërbimin.
Ndërkohë që në lidhje me kamatvonesat, Celibashi i ka quajtur të pabaza, pasi nuk janë në kontratë.
“Kemi pasur disa kërkesa ndaj kompanisë DHL, të cilat i kemi prezantuar zyrtarisht. Jam i sigurt që ato do të plotësohen, sepse janë në përputhje të plotë me kontratën. U kemi kërkuar një përfaqësues nga ana e tyre që të diskutojë dhe të komunikojë me KQZ për të përfunduar shërbimin. Pa pasur procesverbalin përkatës, nuk mund të bëjmë pagesën. Kërkesa për kamatëvonesa është komplet e pambështetur në përmbajtjen e kontratës dhe në parashikimet ligjore dhe kjo besoj është e qartë.”- tha Celibashi./Radar.al