Ilaria D’Amico dhe Gigi Buffon lidhën kurorë në një dasmë madhështore, në një ceremoni ku morën pjesë disa miq të ngushtë mes kodrave Lucca në Versilia.
Dasma e tyre u zhvillua në një ceremoni private në një vilë të mrekullueshme të shekullit të gjashtëmbëdhjetë me pamje nga një panoramë e mrekullueshme e kodrave. Çifti u takuan në një darkë bamirësie shumë vite më parë, dhe mes tyre lindi ndienja e dashurisë e cila çoi dhe në divorcin e sportistit.
Marrëdhënia e Gianluigi Buffon me ish gruan e tij, Alena Seredova ishte një nga historitë më të famshme dhe më të ndjekura të dashurisë të viteve 2000 në botën e futbollit.
Ajo ishte modele, vendi i dytë në Miss Republika Çeke dhe i katërti në Miss World në 1998 dhe ai ishte portieri i Juventusit dhe Kombëtares së Italisë.
Me kalimin e viteve dhe pas martesës, çifti krijoi një familje, duke pasur dy fëmijë. Historia e tyre e dashurisë përfundoi zyrtarisht në maj 2014, kur ish-portieri u fotografua me Ilaria D’Amico. Disa muaj më vonë, divorci u finalizua.
