Një nga personat për të cilët SPAK ka firmosur urdhër arresti është Dashamir Ymeraj, i cili është i implikuar në një skemë evazioni fiskal që përfshin lidhje financiare.
Dashamir Ymeraj identifikohet si pronar i subjektit Elvis – Coo, nënkontraktor që ka marrë gjithsej 164 604 504 lekë gjatë dy viteve nga 2018 deri në 2019.
Ai ka operuar tre kompani: Elvis 03 Grup, Elvis Coo, dhe Elvis 03. Ndërkohë bashkëshortja e tij Vjollca Ymeraj ishte pronare e “Frangaj International”.
Dashamir dhe Vjollca Ymeraj, pronarë të kompanive fiktive në Laç, u denoncuan nga Monika Kryemadhi në korrik 2022 për për përfitim të parave nga kompania e inceneratorit të mbetjeve. Ata u hetuan në vitin 2019 dhe u dënuan në vitin 2020.
Dashamir Ymeraj u dënua me 6.8 vite burg. Në këtë skemë të evazionit fiskal u aludua se të paktën 200 kompani ishin përfshirë për të përfituar 20% të TVSH-së.
Në shkurt 2022, Kryemadhi pretendoi se ITS nën Klodian Zoto, e cila ka marrë 53 milionë dollarë në llogari bankare nga 100 milionë dollarë të paguara nga shteti shqiptar për tre inceneratorë, ka kryer evazion fiskal me këto kompani për të justifikuar kostot e fryra dhe fitimin nga TVSH-ja.