Danimarka ka vendosur të ndalojë të gjitha fluturimet civile me dronë gjatë kësaj jave, në prag të samitit të Bashkimit Evropian që do të mbahet në Kopenhagen. Vendimi u njoftua të dielën nga ministri danez i Transportit dhe ka si qëllim rritjen e masave të sigurisë.
Sipas ministrisë, ndalimi do t’i ndihmojë autoritetet të thjeshtësojnë kontrollet dhe të shmangin çdo rrezik të mundshëm nga “dronë të huaj” që mund të krijojnë pasiguri.
Vendimi vjen pas një serie incidentesh me dronë të paidentifikuar, të raportuara në Danimarkë që nga 22 shtatori. Këto incidente kanë çuar në mbyllje të përkohshme të aeroporteve të Kopenhagenit dhe Oslos, si dhe në pezullimin e operacioneve në aeroportet e Aalborgut dhe Billundit.
Përpara samitit, policia daneze ndodhet në gatishmëri të lartë, ndërsa ndalimi i dronëve do të qëndrojë në fuqi deri më 3 tetor. Shkeljet e këtij urdhri mund të ndëshkohen me gjobë ose me burgim deri në dy vjet.
Danimarka mban aktualisht presidencën e radhës të Këshillit të Bashkimit Evropian dhe është një nga disa vendet evropiane që kanë raportuar rritje të ndjeshme të aktivitetit të dronëve kohët e fundit.
Not “again,” but “once more.” Norway, Sweden, and Denmark report nighttime overflights by unknown drones
Unidentified UAVs were spotted overnight over Norway, Sweden, and Denmark.
Reminder: from Monday to Friday, Denmark is closing its skies to all civilian drones. In theory,… https://t.co/ZqwNBD7f5V pic.twitter.com/Ik5X5oCKXI
— NEXTA (@nexta_tv) September 29, 2025