Në reality show-n Ferma VIP, poetja dhe artistja Mimoza Ahmeti po tërheq gjithnjë e më shumë vëmendjen e publikut, duke u kthyer në një nga personazhet më të komentuara të këtij sezoni.
Mbështetje publike për të ka shprehur edhe këngëtarja Dafina Zeqiri, e cila përmes një postimi në rrjetet sociale i ka dërguar një mesazh inkurajues: “Forca Moza, të duam”.
Reagimi i saj u prit menjëherë nga ndjekësit, duke shtuar edhe më shumë interesin dhe vëmendjen ndaj Mimozës, e cila po cilësohet nga shumë shikues si një nga figurat më të spikatura të këtij edicioni.
E veçuar për stilin, mënyrën e të shprehurit dhe karizmën, Ahmeti ka arritur të krijojë një profil unik brenda formatit, ndërsa momentet e saj po qarkullojnë gjerësisht edhe në rrjetet sociale.
Ndërkohë, gara në “Ferma VIP” vijon me dinamika të shumta, dhe mbetet për t’u parë se si do të ecë rrugëtimi i saj në vazhdim.