Një variant i ri i covid-19 i njohur ndryshe si Sars Cov 2, po përhapet në Europë, SHBA dhe Azi dhe është nën monitorim Organizata Botërore e Shëndetësisë.
Në Shqipëri mësohet të ketë patur raste sporadike të prekur nga Covid 19, por ky nëntip mbetet akoma i paidentifikuar konkretisht.
“Në këtë periudhë ne nuk kemi rritje të infeksioneve respiratorë pasi po i monitorojmë. Ka raste te lehta, por shume pak. Mbi 90 e testeve dalin negativ”, është shprehur Silva Bino, shefe e departamentit të sëmundjeve infektive.
Mutacioni i ri Covid 19 thuhet se përhapet lehtë dhe ka simptoma si dhimbje fyti, kollë e thatë, lodhje, temperaturë, dhimbje muskujsh, shqetësime gastrointestinale, por nuk shkakton forma të rënda të sëmundjes.
Sipas Binos nuk duhet të heqim dorë nga kujdesi pasi Covid nuk ka ikur asnjëherë por nuk ka vend për panik.
LEXO EDHE:
Pas tensioneve mes Izraelit dhe Iranit, çmimet pësojnë një rritje të ndjeshme
Tragjedia ajrore në Indi. Deri më tani: 290 viktima nga ngjarja