Policia e Lushnjës ditën e djeshme ka ndalur një çift 23-vjeçar të cilët ishin prindër të një fëmije të mitur 2 vjeç.
Ata u akuzuan për veprën penale “pornografia” dhe “pornografi me të mitur”.
Çifti e kishe postuar videon në rrejte sociale “Tik Tok” e cila përmbante pamje të rënda pornografie.
Policia ka bërë të mundur ndalimin dhe arrestimin e tyre.
Në një intervistë ekskluzive për RTSH-n në emisionin “Jetë Shqiptare” gjyshi i fëmijës, Genci ka deklaruar se nuk është njohur me asnjë fakt apo pamje.
Ai gjithashtu thekson se nëse djali i tij e ka kryer vërtetë një akt të tillë, atëherë duhet patjetër të mbahet në burg.
“Deri tani, e kam të rëndë, sepse nuk i kam fëmijët me këto gjëra të tilla. policia nuk më ka dhënë asnjë fakt, asnjë video. Nëse unë do e dija që fëmija im abuzon me fëmijën e vetë, unë e var me duart e mia. Unë dua faktet, ku janë?
Unë s’kam asnjë lloj fakti. Shkoj në polici dhe policia na përzë se jemi shtresë e ulët. Nuk kam çfarë shpjegimi të jap.
Që të arrijë djali im në këtë gjendje, nuk e di. Unë për atë fëmijë, kemi dhënë jetën tonë, jepnim gjak 2 herë në muaj për atë fëmijë.
Vetëm për të rritur fëmijët e për ti kaluar në një shtresë më të mirë. Jam i stresuar, dua drejtësi ndaj fëmijës. Edhe shteti të vejë dorën në zemër, unë dua fakte për fëmijën. Dua të më sjellin video.
Kanë lënë një fëmijë të vogël mbrapa. Fëmijën e kemi ne, unë për atë fëmijë do jap jetën time. Erdhën punonjësit social, bënë foto djalit, fëmijës.
Unë djalin nuk e lëshoj nga duart”, u shpreh ai, teksa shtoi se policia nuk e ka vënë në dijeni të asnjë videoje apo fakti që rëndon ndaj djalit të tij.