TIRANË– Kryeministri Edi Rama pak minuta më parë ka reaguar përmes një postimi në rrjetet sociale sa i takon ankimimit që ka bërë në Gjykatën Kushtetuese për Ministren dhe Zv.Kryeministren Belinda Balluku.
Sipas asaj që deklaron shefi i qeverisë, ai nuk po i bën presion “Kushtetueses”, por se është për parimin e mos cënimit të balancës mes pushteteve. Më tej Rama shton se nëse pezullohet një ministër, zv.ministri nuk mund ta ushtrojë detyrën e tij.
“Presion Gjykatës? Kryeministri nuk duhet të flasë për një proces gjyqsor. Mesa duket me një pjesë nuk kemi kuptuar dhe prandaj jamë këtu duke e nisur me pyetjen e dini se kush e ka ankimuar në Gjykatën Kushtetuese pezullimin e Ministres nga një prokuror dhe një gjykatës. E kam ankimuar unë, si Kryeministër jo si Edi Rama dhe natyrisht jo për një individ ministren në këtë rast që është edhe zv.Kryeministre, por për parimin e moscënimit së balancës mes pushteteve.”-tha Rama./Radar.al