Një situatë e pazakontë dhe e dhunshme ndodhi në metro të Londrës të enjten pasdite, kur një burrë u zhvesh lakuriq në tren dhe refuzoi të zbriste, duke shkaktuar panik tek pasagjerët. Incidenti ndodhi midis stacioneve Upton Park dhe East Ham, ku burri filloi të bërtiste dhe më pas uli pantallonat, duke i vënë edhe rripin në qafë.
Pasagjerët i kërkuan që të largohej nga treni, duke u shqetësuar për fëmijët në bord. Kur ai vazhdoi të refuzonte, disa prej tyre reaguan duke e goditur me grushte dhe shqelma deri sa e rrëzuan në dysheme. Një oficer policie jashtë detyrës e arrestoi në stacionin East Ham, dhe burri u dërgua në spital për ndihmë mjekësore.
Autoritetet po hetojnë ngjarjen dhe nuk përjashtojnë mundësinë që pasagjerët që reaguan me dhunë të përballen me akuza, nëse rezultojnë se kanë kryer veprime penale gjatë incidentit.