Kreu i Partisë Demokratike, Sali Berisha, deklaroi se dorëheqja nuk ka qenë asnjëherë në mendjen e tij pas zgjedhjeve të 11 majit, të cilat i cilësoi si farsë elektorale.
Duke folur për qëndrimin e tij, Berisha tha se ndodhet në një mision që, sipas tij, ka për synim mbrojtjen e të drejtave themelore dhe rivendosjen e demokracisë.
“Unë jam me një mision, kështu e ndjej. Ky mision është i vështirë, por do të përmbushet”, u shpreh Berisha.
Ai akuzoi kryeministrin Edi Rama për kapjen e shtetit dhe deformimin e votës së qytetarëve:
“Ky nuk lejon zgjedhje. Ky përdor gjithë shtetin, e ka kthyer në një ‘monstër’ kundër votës së lirë.”
Lidhur me zhvillimet në PD, Berisha theksoi se forca politike mbetet e hapur për debat dhe përfshirje:
“Në PD ka votë, çdo njeri mund të shprehë mendimin e tij. Por Berisha është në një mision për të mbrojtur një të drejtë themelore.”