Kryedemkrati Berisha sapo u kthye nga Brukseli ku ditën e sotme u ankua për qeverisjen e Ramës, iu bashkua protestës pranë ministrisë së Drejtësisë.
Në fjalën e tij Berisha u shpreh se zgjedhjet e 11 majit ishin një farsë elektorale.
Më tej kryedemokrati shtoi i bindur se kryeministri Edi Rama nuk ka të ardhme.
Sipas tij, qytetarët duhet të zhvillojnë një betejë për garantimin e votës së lirë.
Berisha: Zgjedhjet në Shqipëri ishin farsa elektorale më e shëmtuar pas rënies së perdes së hekurt në Ballkan dhe Europë. Ju përshëndes ju dhe u garantoj se Edi Rama kurrë nuk do mund të qëndrojë në atë karrige me zgjedhje të vjedhura dhe zgjedhje krimi, korrupsionit por do marrë përgjigjen që meriton që ka çdo narko diktator. Të dashur qytetarë. Zgjedhjet e 11 majit ishin botërisht të njohura si farsë elektorale edhe para se të zhvilloheshin. I sanksiononte rezoluta e dhjetorit, i sanksiononte e nëntorit e PPE dhe në mënyrë përfundimtare i groposte rezoluta e Valencias 1 javë para zgjedhjeve. Edi Rama dëshmoi se është një kriminel, monstër ndaj vullnetit të shqiptarëve. Çdo ditë në këtë betejë do arrijmë qëllimet tona. Kjo betejë kërkon angazhimin e të gjithë ne e të gjithë shqiptarëve. Kjo betejë do zhvillohet në çdo zyrë të rëndësishme, në çdo parlament të vendeve të lira. Kjo betejë do fitohet nga luftëtarët e lirisë. Të vazhdojmë me përkushtim. Edi Rama nuk ka të ardhme. Do përfundojë aty ku përfundojnë armiqtë e votës së lirë.
LEXO EDHE:
Pas videos erotike me Safet Gjicin, Alma Kaçi del në krahun e demokratëve