Në një nga daljet e fundit elektorale në kuadër të zgjedhjeve të 11 majit, kreu i Partisë Demokratike, Sali Berisha, u shfaq me një kapele në kokë, me numrin 1, një aksesor që deri më tani ka qenë firmë e padiskutueshme e stilit të Edi Ramës.
Berisha, i cili zakonisht shihet me kostum klasik dhe pa shumë eksperimente në veshje, zgjodhi të “thyejë akullin” me një pamje më sportive në fushatë, ndoshta për të tërhequr elektoratin e ri apo për të bërë “cool” alternativën e tij politike.
Ndjekësit në rrjetet sociale nuk vonuan të vërenin ngjashmërinë me stilin e Ramës, i cili prej vitesh e ka kthyer kapelen në simbol të markës së tij personale.
Nuk dihet nëse kjo është thjesht një zgjedhje stili apo një sinjal që fushata po futet në një fazë të re ku imazhi ka po aq rëndësi sa premtimet.