Një aksident i rëndë ka ndodhur mesditën e sotme në aksin Transballkanik, në afërsi të paraburgimit të Vlorës, ku një automjet i markës Benz është përfshirë në një rrëshqitje të madhe.
Sipas informacioneve mësohet se aksidenti ka ndodhur për rrjedhojë të shpejtësisë së lartë.
Për pasojë shoferi ka humbur kontrollin në një kthesë, ka tentuar të frenojë, por për shkak të lagështisë në rrugë, ka dalë nga aksidenti dhe ka goditur trafikndarësen.
Automjeti ka përfunduar duke goditur një shtyllë elektrike, e cila ka rënë në tokë.
Fatmirësisht, aksidenti ka ndodhur në një orar ku rruga nuk ishte shumë e frekuentuar, duke shmangur dëme të tjera, si pasojë e përplasjes me automjete të tjera.
Si pasojë e aksidentit mësohet se ka pasur vetëm dëme të shumta materiale, por drejtuesi i automjetit ka dalë pa lëndime dhe ka braktisur vendin e ngjarjes.