Bashkia e Tiranës ka miratuar sot më shumë se 1,100 kredi të buta për familjet dhe çiftet e reja që nuk mund të përballojnë blerjen e banesave sipas kushteve të tregut. Me këtë vendim, numri total i kredive të buta të dhëna arrin në 3,651.
Kredia synon të ndihmojë familjet e reja, çifte të sapomartuara dhe qytetarë në nevojë për mbështetje në nisjen e jetës në shtëpinë e tyre. Përveç kredive, Bashkia ka shpërndarë edhe 2,057 bonuse strehimi dhe ka në dispozicion 419 banesa sociale me qira për qytetarët që nuk kanë mundësi të tjera strehimi.
Ky paketë mbështetëse përfshin gjithashtu abonime falas në transportin publik për pensionistët dhe studentët, si dhe subvencionim prej 50% të tarifës së konviktit për studentët që studiojnë larg shtëpisë.