Tre anëtarë të një familjeje në Malësinë e Madhe, Xheladin Çokaj, 64 vjeç, dhe dy djemtë e tij, Arnit, 30 vjeç, dhe Sefred Çokaj, 33 vjeç, janë arrestuar pas një konflikti të dhunshëm familjar.
Policia njofton se dhëndri i tyre, 41-vjeçari A. U., është sulmuar fizikisht dhe ka pësuar lëndime në kokë dhe trup. Ngjarja ndodhi në fshatin Flakë, ndërsa shërbimet policore mbërritën menjëherë pas njoftimit për të ndaluar përshkallëzimin e dhunës.
Materialet procedurale janë referuar Prokurorisë së Shkodrës për veprime të mëtejshme ligjore.