TIRANË– Mbrëmjen e së mërkurës, biznesmeni Eduart Reçi është qëlluar me plumb në kokë në rrugën ‘Faik Konica’ në kryeqytet. 52-vjeçari u dërgua me urgjencë në spitalin e Traumës, por nuk ka mundur t’iu shpëtojë plagëve të marra.
Kujtojmë se Reçi është qëlluar pranë një pallati që ka ndërtuar në rrugën ‘Faik Konica’. Ndërsa nga informacionet e deritanishme ai rezulton pronar i ELGM.
Eduard Reçi me origjinë nga Dibra, jetonte pranë fakultetit të Gjuhëve të Huaja dhe atentati iu bë pranë një lokali.
NJOFTIMI I POLICISË 13 NËNTOR 2024:
Tiranë/Informacion paraprak
Më datë 13.11.2024, rreth orës 23:00, në rrugën “Faik Konica” është plagosur me armë zjarri shtetasi E. R., 52 vjeç, i cili aktualisht ndodhet në spital, në gjendje të rëndë shëndetësore.
Një grup i posaçëm hetimor, nën drejtimin e Prokurorisë, vazhdon punën për sqarimin e rrethanave të ngjarjes, identifikimin dhe kapjen e autorit/ëve të dyshuar.
Informacion më të detajuar mbi këtë ngjarje do të japim në vijim./Radar.al