Gazetarja Klodiana Lala thotë se Prokuroria e Shkodrës nuk ka asnjë informacion të ri lidhur me masakrën e pak ditëve më parë në Shkodër, ku mbetën të vrarë 4 shtetas.
Sipas saj, e vetmja gjë e re është fakti që prokuroria e Shkodrës nuk do ta mbajë më nën hetim dhe do të kalojë dosjen në SPAK.
“Është folur për një person të tretë. Është përdorur armë e gjetur në sediljen e pasme dhe janë gjetur gjurmë gjaku aty, këto krijojnë dyshime se ka patur person të tretë. U aludua se mund të ketë qenë Ibrahim Lici. Deri tani nuk është identifikuar. Nuk ka gjurmë gishtërinjsh të plota. Është përftuar një profil ADN, por nuk ka profil krahasues.
E vetmja gjë e re është fakti që prokuroria e Shkodrës, nuk do ta mbajë më nën hetim dhe do të kalojë në SPAK.
SPAK ka nën hetim dosjen “Metamorfoza”, ku janë identifikuar pjesëtarë të grupit Bajri. Së dyti, ka dyshime që edhe vrasje të tjera janë kryer nga e njëjta dorë. Prokuroria e Shkodrës do ta përcjellë në SPAK”, tha ajo në emisionin “Të Paekspozuarit”.