Në një intervistë për “DailyMail” një nga shtetasit shqiptarë të implikuar në trafikimin e lëndëve narkotike, k treguar se as policia nuk mundet dot t’i ndalojë ata në shitjen e drogës në Mbretërinë e Bashkuar.
Në kushte anonimiteti shqiptari u shpreh se nga viti 1995, shqiptarët kanë qenë lojtarë të rëndësishëm në tregtinë e kokainës në Itali, Belgjikë, Holandë dhe Spanjë, duke pasur rrjete të qëndrueshme furnizimi.
E për të hyrë në tregun e Birtanisë, diku nga fundi i 2000, ata kanë përdorur si moto ‘shit lirë dhe shit më shumë’.
Shqiptari, i cili kaloi 17 vite të jetës së tij prapa hekurave, si pjesë e një grupi të madh kriminal të organizuar në tregtinë e kokainës, shpjegoi se një arrestim nuk do kishte të bënte me kontrabandimin e drogës.
Që nga viti 2005, Agjencia Kombëtare e Krimit, e cila zëvendësoi Agjencinë e Krimit të Organizuar të Rëndë, dhe Drejtoria e Krimit të Specializuar në Scotland Yard kanë vënë në pranga dhe dënuar me sukses qindra shqiptarë për tregtinë e kokainës.
Në fund të vitit të kaluar kishte pothuajse 1,100 shqiptarë në burg, në mesin e ttyre edhe bosët të mafias ballkanike.
Përveç kontrollit të tregtisë së drogës, gangsterët shqiptarë që terrorizojnë Mbretërinë e Bashkuar janë dënuar gjithashtu për vrasje, krime seksuale, pastrim parash dhe kontrabandë njerëzish.
Mirëpo sapo një grup i krimit të organizuar shqiptar shkatërrohet, një i ri e zëvendëson.
Në prononcimin e bërë për MailOnline, shqiptari theksoi se kjo ishte për shkak të një praktike të quajtur ‘shitja e punës’.
Ai tha se kur arrestohej një anëtar i bandës, nëse Policia nuk i merr dot telefonin, bashkëpunëtorët e tij ia shesin (bashkë me kontaktet brenda) për deri në 100,000 paund.
Bosi shqiptar i drogës mburret se si ai dhe gangsterët e tjerë arritën të dominonin tregun e kokainës.
“Ne kishim pastërtinë më të lartë të kokainës për gram. Kjo i bëri përdoruesit ta merrnin drogën nga ne dhe t’i braktisnin shitësit ekzistues. Kjo bëri që organizata ime, ku isha unë, të bëhej furnizuesi kryesor i kokainës për Portsmouth dhe Bournemouth. Në vitin 2009/10 e ulëm çmimin për një kilogram kokainë nga 35,000 paund në 30,000 paund. Kjo gjë shkaktoi një ndryshim rrënjësor për tregun në atë kohë,” tha ai për “Dailymail“.