TIRANË– Ministrja e Arsimit përmes një postimi në rrjetin social Facebook, ka pulikuar kalendarin e procedurave për regjistrim në universitete.
Në bazë të asaj çfarë thotë njoftimi i rëndësishëm i ministrisë së Arsimit, kandidatët fillimisht duhet të kryejnë pagesën e tarifës së aplikimit në vlerën 2000 Lekë, në zyrat e Postës Shqiptare apo në bankat e nivelit të dytë, nëpërmjet faturës për arkëtim, të cilën e shkarkojnë në portalin U-Albania.
Afati për pagesën e aplikimit është deri në 29 korrik 2024 dhe pas dorëzimit të mandatit të pagesës, sekretaritë e shkollave duhet ta konfirmojnë pagesën e kryer brenda datës 29 korrik 2024, në portalin U-Albania.
Ndërsa prej datës 30 korrik deri në 4 gusht 2024, kandidatët që duan të ndjekin studimet në IAL, përfshirë edhe kandidatët që kanë përfunduar arsimin e mesëm të lartë jashtë vendit, pas pagesës së tarifës së aplikimit, do të aplikojnë në portalin U-Albania nëpërmjet formularit online të aplikimit, mbi bazën e notës mesatare sipas vendimit përkatës të Këshillit të Ministrave për kriterin e notës mesatare dhe kritereve të tjera të përcaktuara nga IAL, duke zgjedhur deri në 10 programe studimi nga lista e programeve të studimit që ofrohen nga IAL, për vitin akademik përkatës.
POSTIMI I MANASTIRLIUT:
Njoftim i rëndësishëm për aplikimin në universitete
Ky është kalendari i procedurave për aplikimin dhe regjistrimin online në portalin universitar U Albania Faza IKalendari i plotë dhe më shumë informacion.