Ditën e sotme apeli i GJKKO-së ka lënë në burg kunatin e vëllait të Jurgis Çyrbjas, Ahmet Mashën.
I njohur ndryshe si “Meçe”, ai ra në pranga në tetor të 2024 së bashku me ish-deputetin Jurgis Çyrben për dekonspirim të operacioneve të policisë si dhe nxjerrjen e sekreteve shtetërore.
Mahsa mbetet emër i njohur dhe për drejtësinë dhe Policinë, për disa vepra penale të mëparshme dhe vënë nën hetim.
Nga dhjetori i 2013 konkludon se Meçe kishte një çështje penale në ngarkim për kontrabandë nafte, bashkë me 8 persona të tjerë.
Aso kohe ishte 30 vjeç, sipas dosjes hetimore, dhe akuzohej se ka qenë i përfshirë në kontrabandën e naftës me 3 anije, njëra prej të cilave ishte në pronësi të babait të tij, “Rovato”.
Ndërsa në 2019, Masha u mor në pyetje nga Policia e Durrësit në lidhje me atentatin që u organizua ndaj Plaurent Dervishajt, ky i fundit mjaft i njohur në botën e krimit.
Mashës iu mor dëshmia në lidhje me atentatin ndaj Plaurent Dervishajt më 20 qershor 2019. Kjo për rrjedhojë të atentatit me 43 plumba kallashnikovi që u derdhën drejt Plaurent Dervishajt, si edhe dy miqve të tij, Julian Meçe dhe Bashkim Haxhija. Por të tre ia hodhën paq nga atentati.
Ndërsa ndaj Çyrbjas mëoshet se rëndojnë 3 akuza si “Tregimi i sekretit shtetëror nga shtetasit”, kryer më tepër se një herë, “Përkrahja e autorit të krimit”, kryer më tepër se një herë si dhe për korrupsion aktiv në zgjedhje.