TIRANË– Këngëtarja e njohur shq iptare, Anjeza Shahini ka reaguar duke e ngritur zërin fort në mbrojtje të Mirit, pas akuzave dhe komenteve të babait te Selin, gjatë qëndrimit të tij në Big Brother VIP Albania.
Artistja përmes një reagimi të gjatë ka dhënë një mesazh të fortë kundër linçimit publik dhe dhunës mediatike.
Ajo zbulon se rreth 20 ditë para hyrjes së Mirit në shtëpinë e Big Brother-it, ata kanë pasur një bisedë të sinqertë, ku Miri kishte shprehur qartë se nuk kërkonte as mbështetje dhe as ndihmë, por vetëm të vlerësohej për atë që është.
Sipas saj Miri ende beson se njerëzit nuk shajnë, nuk paguhen për komente të shëmtuara dhe nuk bashkohen për të denigruar një qenie njerëzore deri në palcë.
Në reagimin e saj, Anjeza thekson se Miri është një person që zgjedh të zihet dhe të mbrojë të dobëtit, që pyet para se të përqafojë dhe që vendos veten në rrezik për të mbrojtur të tjerët. Ajo ndalet edhe te akuzat e rënda që, sipas saj, i janë bërë nga një prind i një vajze të rritur, duke e cilësuar këtë situatë si të padrejtë dhe thellësisht të dëmshme.
“Ta etiketosh një njeri me zemër të artë si Mirin me epitete të tilla është kriminale.”- shkruan Shahini, duke shtuar se këto sulme nuk kanë vend në një shoqëri që pretendon të jetë e drejtë dhe humane. Ajo nënvizon se Big Brother është vetëm një lojë televizive, e cila në shumë vende të botës nuk shihet me aq seriozitet sa të harrohen ndjenjat njerëzore./Radar.al