Forca Detare shqiptare ka ndërhyrë sërish me sukses në Detin Egje, duke shpëtuar 13 emigrantë në nevojë, përfshirë dy fëmijë. Anija patrulluese “Butrinti” P-134, pjesë e misionit të NATO-s, realizoi operacionin e kërkim-shpëtimit (SAR) në koordinim me Rojet Bregdetare të Greqisë dhe Turqisë.
Operacioni përfundoi pa incidente dhe u vlerësua si një tjetër shembull i bashkëpunimit ndërkombëtar në përballimin e krizës së emigracionit në rajon.
Ky ishte operacioni i katërt i kryer nga anijet shqiptare në Egje gjatë vitit 2025, duke çuar në 111 numrin total të jetëve të shpëtuara nga misioni shqiptar.
