Bashkimi Europian ka ngritur alarmin për një katastrofë të thellë humanitare në Rripin e Gazës, duke theksuar se furnizimet me ushqime dhe ndihma jetike kanë përfunduar, ndërsa hyrja e ndihmave është bllokuar për më shumë se 80 ditë.
Komisioneri i BE-së, Glenn Micallef, deklaroi se:
“Ndihma që është lejuar të hyjë është sa një pikë uji në oqean. Për më shumë se 80 ditë, Gaza është pa ushqim, pa ilaçe dhe pa produkte jetësore.”
Sipas Kombeve të Bashkuara, furnizimet me ushqim kanë mbaruar plotësisht dhe situata është jashtëzakonisht e rrezikshme për civilët.
BE kujtoi se, sipas ligjit ndërkombëtar, Izraeli ka detyrimin të garantojë hyrjen e ndihmës humanitare. Pas presionit ndërkombëtar, më 18 maj, Izraeli ka lejuar rifillimin e disa ndihmave, por BE e konsideron këtë të pamjaftueshme.
Për më tepër, është njoftuar rishikimi i Nenit 2 të Marrëveshjes së Asociimit me Izraelin, i cili lidhet me respektimin e të drejtave të njeriut dhe të ligjit ndërkombëtar humanitar.