Dy ekzemplarë të një krijese të veçantë detare, e njohur si “dragoi blu”, u panë duke notuar pranë bregut, duke detyruar autoritetet lokale të mbyllin përkohësisht plazhet dhe të ndalonin larjen në det.
Dragoi blu, një molusk i vogël jo më i madh se gishti i vogël i dorës, ka ngjyrë blu-metalik dhe një pamje thuajse jashtëtokësore. Ai zakonisht gjendet në ujërat e Oqeanit Atlantik, por shfaqja e tij pranë Costa Blanca-s ngriti menjëherë alarmin.
Megjithëse i vogël, krijesa është shumë e rrezikshme, pasi ushqehet me organizma detarë helmues, si “karavela portugeze”, dhe ruan helmet e tyre në trup. Kontakti me njeriun mund të shkaktojë djegie të forta, të vjella, nauze dhe në raste të rralla, reagime serioze alergjike.
Autoritetet paralajmërojnë pushuesit që të qëndrojnë larg ujit deri në njoftimin e mëtejshëm për sigurinë e plazhit.
Radar.al