Një aksident rrugor është regjistruar pasditen e sotme në autostradën që lidh zonën e Shkozës me daljen e kryeqytetit. Në ngjarje janë përfshirë dy automjete, të cilat janë përplasur me njëra-tjetrën, duke shkaktuar disa persona të lënduar.
Menjëherë pas aksidentit, në vendngjarje kanë mbërritur shërbimet e policisë dhe ambulanca, që kanë transportuar të plagosurit drejt spitalit për ndihmë mjekësore. Ende nuk ka informacion zyrtar mbi gjendjen e tyre shëndetësore.
Policia rrugore ka nisur hetimet për të zbardhur rrethanat e aksidentit dhe për të përcaktuar shkaqet e përplasjes.