Një aksident rrugor është regjistruar mbrëmjen e kësaj të diele në sheshin “Demokracia” në qytetin e Shkodrës, ku një automjet ka përplasur një person që po lëvizte me biçikletë.
Sipas informacioneve paraprake, i lënduari është identifikuar si humoristi i njohur Nexho Shabani. Ai është transportuar menjëherë në Spitalin Rajonal të Shkodrës, ku po merr ndihmën e nevojshme mjekësore.
Policia bën me dije se rreth orës 20:05, automjeti me drejtues shtetasin N. Xh. ka përplasur shtetasin N. Sh., i cili po lëvizte me biçikletë. Si pasojë e përplasjes, Shabani ka mbetur i dëmtuar dhe ndodhet nën kujdesin e mjekëve.
Grupi hetimor ndodhet në vendngjarje dhe po punon për sqarimin e plotë të rrethanave dhe shkaqeve të aksidentit.