Një aksident rrugor u regjistrua këtë të mërkurë rreth orës 15:30, në “Rrugën e Arbrit”. Sipas Policisë, një automjet doli nga rruga pasi drejtuesi, shtetasi E. M., 32 vjeç, dyshohet se humbi kontrollin mbi timonin.
Për pasojë, u plagosën si drejtuesi i mjetit, ashtu edhe pasagjeri, A. V., 26 vjeç. Të dy janë transportuar në spital, ku ndodhen nën kujdesin e mjekëve dhe jashtë rrezikut për jetën.
Në vendngjarje ndodhet grupi hetimor, i cili po punon për të sqaruar shkaqet dhe rrethanat e aksidentit.