Një aksident i rëndë rrugor ka ndodhur sot në zonën e Laprakës në Tiranë, ku një automjet tip Benz ka përplasur një motor dhe një këmbësore.
Sipas informacioneve paraprake, në motor po udhëtonte një çift bashkëshortësh, të cilët kanë mbetur të plagosur dhe janë dërguar me urgjencë në spital për ndihmë mjekësore.
Nga përplasja është lënduar gjithashtu edhe një këmbësore, e cila ka marrë dëmtime të lehta dhe ndodhet nën kujdesin e mjekëve.
Në vendngjarje ndodhen shërbimet e policisë, të cilat po punojnë për zbardhjen e rrethanave dhe shkaqeve të aksidentit.