FIER– Mëngjesin e kësaj të shtune ka ndodhur një aksident i rëndë në Bypass-in e Fierit. Bëhet me dije se një automjet tip “BMW” ka humbur kontrollin dhe ka dalë nga rruga duke përfunduar në një tokë bujqësore.
Drejtuesi i automjetit ka marrë lëndime në trup dhe është transportuar me ambulancë drejt Spitalit të Traumës për mjekim më të specializuar.
Por disa metra larg vendit të aksidentit është gjetur edhe një viktimë që dyshohet të ketë qënë pasagjer në BMW.
NJOFTIMI I PLOTË I POLICISË:
Fier/Informacion paraprak
Në aksin rrugor “Pojan-Vlorë”, shtetasi G. Ç., duke drejtuar automjetin, dyshohet se ka humbur kontrollin mbi drejtimin e automjetit dhe për pasojë automjeti ka dalë nga rruga.
Si pasojë e daljes së automjetit nga rruga ka humbur jetën pasagjeri që ndodhej në automjet, ende i pa identifikuar.
Ndersa drejtuesi i automjetit, shtetasi G. Ç., u transportua në spitalin e Traumës për ndihmë të specializuar mjeksore.
Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit./Radar.al
