Një aksident i rëndë ndodhi në orët e para të së mërkurës në autostradën Salzburg–Mynih, pranë daljes Irschenberg në Gjermani. Një autobus udhëtarësh nga Kosova u përplas pas mesnate me një kamion me rimorkio që po udhëtonte përpara tij.
Nga 41 pasagjerët që ndodheshin në autobus, 30 mbetën të lënduar, dy prej tyre në gjendje më të rëndë. Katër persona u dërguan në spitalet më të afërta për kontrolle mjekësore.
Kamioni, i ngarkuar me perime, humbi një pjesë të ngarkesës gjatë përplasjes. Për pasojë, autostrada në drejtim të Mynihut u bllokua për disa orë për pastrimin dhe largimin e mjeteve, duke u rihapur rreth orës 03:00 të mëngjesit.
Autoritetet gjermane po vazhdojnë hetimet për shkaqet e aksidentit, ndërsa pasagjerët po marrin ndihmën e nevojshme mjekësore.