Për shkak të Samitit të Komunitetit Politik Europian që do të mbahet në Tiranë më 15 dhe 16 maj 2025, Aeroporti Ndërkombëtar i Tiranës (TIA) ka dhënë disa këshilla të rëndësishme për pasagjerët që udhëtojnë në këto data. Pjesëmarrësit e Samitit do të sjellin masa të shtuara sigurie dhe mund të shkaktojnë trafik të rënduar në rrugët përreth.
Rekomandime për udhëtarët:
Paraqituni 3 deri në 4 orë përpara fluturimit.
Kontrolloni njoftimet nga linjat ajrore për ndonjë informacion të rëndësishëm në lidhje me fluturimet.
Bëni check-in online dhe ruani kartanë e imbarkimit në telefonin tuaj për të shmangur ndonjë vonesë.
Pritet të ketë kontrolle shtesë sigurie, ndaj bashkëpunimi juaj është i domosdoshëm.
Rrugët që mund të përdorni për të arritur në Rinas:
Rrugët dytësore të autostradës “Tiranë-Qafë Kashar – Rinas”
Unaza Veriore
Degëzimi i “Paskuqan – Institut – Kamëz – Domje – Laknas – Rinas”
Degëzimi i “Paskuqan – Institut – Kamëz – Valias-Rinas”
TIA dhe Policia e Shtetit sugjerojnë që të udhëtoni me kohë dhe të respektoni këto këshilla për një udhëtim të sigurt dhe të rehatshëm.